"धर्मको गजल"

सबेरै आज एकदम सबेरै, धर्मको तातो बहस चल्यो !
ग्रन्थ जल्यो! जलेन! तर, जे जल्यो त्यो सारा जल्यो!!

मान्छे-गोत्रे भिरका गधाहरु, बिचार लादिएर यात्राामा!
ढली त गयो एउटा कठै! बस सारा गधाहरु सँगै ढल्यो!!
ग्रन्थ जल्यो! जलेन! तर, जे जल्यो त्यो सारा जल्यो!!!

ढल्यो, शायद भार बढी भयो! धर्म सारा आँधी अाइदियो!
एउटा कदम के हल्का तात्यो, गीता, कुरान, बाइबल बल्यो!!
ग्रन्थ जल्यो! जलेन! तर, जे जल्यो त्यो सारा जल्यो!!!

ढुंगे युग सम्झेर यिनका! म त दंग, छक्क परेँ!
खन्यो, जोत्यो, फुल्यो, फल्यो! मान्छेको बोटमा धर्म फल्यो!!
ग्रन्थ जल्यो! जलेन! तर, जे जल्यो त्यो सारा जल्यो!!!

म त कठै, 'रामापिथेकस' ! मानब धर्मको कमलो मान्छे!
बुद्ध तिम्रो गाँउ सम्झेँर, बेधर्मी मेरो मन गल्यो!!
ग्रन्थ जल्यो! जलेन! तर, जे जल्यो त्यो सारा जल्यो!!!