खान पुगेर दिँदाको आनन्द !

जेनतेन 'खान पुगेर दिन नपुगेको' मैले आज रु ५५०० को हाराहारीमा (£ ३९.१८)हेल्पनेपालले शुरू गरेको १० करोडको परोपकारी अक्षय कोषको खातामा जम्मा गरेको छु । त्यती जाबो रकम सहयोग गरेर पनि ठुलो कुरो लेख्यो यो मान्छेले भन्ने लाग्न सक्छ हजुरहरुलाई । तर, मैले यो कुरा पोस्ट गर्दै गर्दा आफ्नो सहयोगको प्रचार-प्रसारको बर्णन नभएर, कसरी त्यो रकम दिने हिम्मत जुटाउन सकें भन्ने कुराको 'आइडिया शेएर' गर्ने प्रयास गर्दै छु । हिम्मत यसकारण कि मेरो आर्थिक हैंसियत रु. ५५०० सहयोग गर्ने बर्गभित्रको होइन।

मेरो 'आइडिया': म जुन ठाउँमा 'कस्टमर सर्भिस एडभाईजर'को काम गर्छु त्याँहा एउटा 'Shaz Islam' नामको अत्यन्त मिलनसार र कोमल मनको मित्र काम गर्छ । एकदिन उस्को आठ घण्टाको 'शिफ्ट' जरुरी परेर मलाई 'कभर' गर्न गरेको अनुरोध स्वीकारे बापत भोलीपल्ट 'चालिस पाउन्ड' हातमा राख्दै भन्यो, 'बिष्णु, प्लिज डोन्ट से नो - दिस इज माइ वे टु से थ्यांक यू।'

आँफुले गरेको कामको पैसा तलबमा पाउँने हुनाले लिन सक्दिन भनेर लाख जित्ने कोशीस गर्दा पनि साथी नमानेपछी मैले सो रकम हेल्प नेपाल लाई दिने मनमनै सोँचेपनि आँफु रित्तिएको बेला हात परेको ४० पाउन्ड आफ्नै गर्जो टार्दा सकियो । तर, मेरो त्यो सोँच 'ख्याल ख्याल' नभएर  भित्री मनदेखी आएको सोँच थियो । आज तलब आयो, अठोट पुरा गरें । मेरो मन खुशी छ ।

अब तपाईंको 'आइडिया': तँपाइ देश या बिदेश जाँहा हुनुहुन्छ, पक्कै पनि निकै मेहनतका साथ काम गर्दै हुनुहुन्छ । कती पढ्दै हुनुहुन्छ, कती पढाउदै हुनुहुन्छ होला । कतीले सोँचे अनुसारको काम पाउनु भएको होला या गर्दै हुनुहुन्छ होला । कतीले सपनामा पनि नसोँचेको काम गर्दै हुनुहुन्छ होला । तर, यी सबै परिस्थितीबाट एकैछिन बाहिर निस्केर हेरेंउ भने हामीले देख्ने छौ आफ्नो परिस्थितीबाट बिश्राम लिनको लागि हामी कती डलर, दिराम, पाउन्ड या रुपँया धुम्रपान या मध्यपानमा खर्चीरहेका हुन्छौ । अब एकदिन मन बाँधेर हेरौ, तपाईंले बिश्राम लिदा खर्चिने रकम एक्लै या साथीभाई मिलेर हेल्प नेपालको सामाजिक कार्यको लागि भनेर जम्मा गरेर सहयोग गरेर हेर्नुस्: केवल एकदिन!! कुनैदिन सोँचेको भन्दा धेरै काम गर्नुहोला, अन्दाज गरे भन्दा बढी कमाइ भएको दिन पर्ला !! जुनसुकै दिन होस । तर एकदिन - कम से कम एकचोटि प्रयास गर्नुस् ! त्यो सहयोग गरेबापत तपाईंले महसुस गर्ने आनन्द नितान्त फरक अनी अकल्पनिय हुनेछ । किनकी तपाईंको त्यो एकदिनको 'फरक बिश्रामले' धेरैको जिबनमा 'फरक पार्नेछ'। एकचोटि 'आँटेर' त हेर्नुस् । म त फेरी अर्को प्रयास गर्नेछु ! :)