" कठै - मतलब मान्छे! "

शून्य समय

बिपरीत लिँगी

मानब अस्तित्वको एउटा 

एकदम निजी समय ।

पंचतत्वको असिम मिश्रण 

उ िनजी समयको पूर्ण उपभोगमा छ,

गगनतत्वको छानोमुनि

भूमितत्वको साहारा लुटछ, 

अग्नितत्वको शक्ति लियर

जलतत्वको प्रवाह गर्छ,

अनी, वायुतत्वको बेगसँग 

सोख पिँेउछ, मन्द जिँउछ । 

अब कथा शुरु हुन्छ । 

एकचोटि, तप्का स्खलन 

रामापिथेकस- नयाँ अस्तित्वको जन्म,

बिकशित रामापिथेकस

चिच्च्याँउछ, कराँउछ- वा झैँ गर्छ !

अनी, पञ्चतत्वलाई अँज्ञात धन्यबाद दिन्छ 

पहिलो प्रहारको भोजन गर्छ । 

दोश्रो प्रहारको भोजनमा जुट्छ 

केही लुटाँउछ, केही लुट्छ, 

केही फुटाँउछ, केही फुट्छ 

मतलब- जुट्छ, लुट्छ अनी फुट्छ । 

अन्तिम प्रहारमा उपादेयता घट्छ 

त्यो पञ्चभोगपछी, शुन्य समय बढ्छ,

बुद्दत्वो पाएझैँ, लमतन्न लड्छ 

मतलब- घट्छ, बढछ, अनी लड्छ । 

पञ्चतत्वको समाधिमा, रामापिथेकस खै के गर्छ

अस्तित्वको संघर्षमा, आधा जिँउछ-आधा मर्छ,

शुन्य समय, बिपरित लिंगी, निजी चीजमा फेरी पर्छ 

मतलब, पर्छ, गर्छ अनी मर्छ । 

बौलाहा प्रकृति । 

कठै मान्छे ।।